Wo mer aagfange hen wirte...                                                       2005

  

Agfange het s Buurebeizli im Johr 2005 ganz chlii. Es isch emol en Wanderer verbi cho und het in Speer ue wöle. Ufem Verbiiweg het er d Muetter gseh und gfröget, öb das es Restaurant sig und er öpis ztrinke öberchöm. "Nei uf di erscht Frog und jo uf di zweit Frog" isch d Antwort gsi. De Wanderer isch noch de Verpflegig gstärkt witerglaufe, aber d Idee vom wirte isch hange bliebe... Churzi Zit spöter het d Esther en Gartetisch mit 6 Stüehl verosse ufgstellt und s Buurebeizli isch gebore gsi! Scho bald sin regelmässig Gäscht verbi cho, und zwor nöd nur Wanderer...

1. Bau vom Buurebeizli                                                          2009

 

Im Johr 2009 hemmer denn de gross Schritt gwoget und het en Aabau för ca. 40 Plätz inklusive WC-Aalage und e chlini Chuchi realisiert. Es isch sehr guät aaglaufe und es sind Gäscht vo noch und fern id Dergete hindere cho. Gsellschafte sin immer grösser worde und s Beizli immer bekannter. Soviel, dass mer mit üsere chline Chuchi langsam an Aaschlag cho sin.

Aaleggä vom Chrütergarte                                            2015

 

Im Johr 2015 hemmer üs denn entschiede, en Chrütergarte ufere Flächi vo knapp 7 Are aazleggä. Uf de Winter herä hemmer drum die Wiese pflüegt, so dassmer im Früehlig 2016 mitem bepflanze vode Chrüter hen chöne starte. Die Chrüter werdet sit do vo üs uf üsem Betrieb zu Tee, Salbe, Sirüp, Badesalz, Chrütersalz und vielem meh verarbeitet.

2. Bau vom Buurebeizli                                                         2016

 

Im Summer 2016 hemmer  denn endlich mitem Bau vom "Alpstübli" und de neue Chochi chöne starte. Dör das chömmer etz Gruppe bis zu 45 Persone zuesätzlich im Beizli verwöhne. Und diä gross Chuchi erlaubt üs au, Chuchihilfene chöne aazstellä, för das het vorher eifach de Platz gfählt. Ide Chuchi tüemer au d Chrüter zu Sirup und Salbe verarbeite.